«Սոցիալապես անապահով ընտանիքներին չեն վերադարձվել ավել մուծած գումարները». Ոսկան Սարգսյան

Լրագրող Ոսկան Սարգսյանը ֆեյսբուքյան իր էջում գրում է.
ՀՀ հանրային ծառայությունները կարգավորող հանձնաժողովը որոշմամբ 2022 թվականի համար սոցիալապես անապահով բաժանորդների համար խմելու ջրի սակագինը եղել է անփոփոխ՝ 180 դրամ, իսկ մյուս բաժանորդների համար՝ 200,47 դրամ: Տավուշի մարզի սոցիալապես անապահով բաժանորդները ինձ բողոքել են, որ 2022 թվականին խմելու ջրի մեկ խորանարդ մետրի համար իրենք վճարել են 200,47 դրամի չափով, վերահաշվարկներ չեն կատարվել, «Վեոլիա Ջուր» ՓԲԸ-ի կողմից իրենց չեն վերադարձրել ավել մուծած գումարները։ Հանրային ծառայությունները կարգավորող հանձնաժողովը սահմանել է «Վեոլիա Ջուր» ՓԲԸ-ի կողմից բաժանորդներին խմելու ջրի մատակարարման և ջրահեռացման (կեղտաջրերի մաքրման) ծառայությունների մատուցման 2023 թվականի սակագները, սոցիալապես անապահով բաժանորդների համար 2023 թվականին սակագինը մնացել է անփոփոխ՝ 180 դրամ, իսկ մյուս բաժանորդների համար՝ 208,42 դրամ: Սոցիալապես անապահով ընտանիքները մտահգություն ունեն, որ այս տարի ևս՝ 2023-ին, իրենք ստիպված կլինեն խմելու ջրի համար վճարել չզեղչված սակագնով՝ 208,42 դրամով»։