«Չպարզաբանված շատ հարցեր դեռ կան». մանրամասներ՝ զինդատախազի հետ հանդիպումից

Քիչ առաջ ավարտվեց Ազատ գյուղի զինվորական կացարանում հրդեհից զոհված զինծառայողների ծնողների և Զինվորական դատախազի հանդիպումը: Լրագրողների հետ զրույցում նրանք ասացին, որ իրենց այնքան էլ չբավարարեց այդ հանդիպումը, քանզի չպարզաբանված շատ հարցեր դեռ կան. «Ասացին, որ ամբողջ գործողությունը քննչական փուլում է, քննչական գաղտնիք չենք կարող բացահայտել, հույս ունենք, որ գործը ճիշտ ուղղությամբ է գնում»,- ներկայացրեցին ծնողները:

Նրանք նշեցին, որ քննչական ամբողջ ընթացքից դժգոհ են եղել, բայց զինդատախազի հետ հանդիպումից հույս առաջացավ. «Հույս ունենք՝ առաջիկայում մեզ հուզող բոլոր հարցերի պատասխանները կստանանք»,- ասաց ծնողներից մեկը: