«Ժողովրդի ինքնության հարցը պետք է դիտարկել թե՛ ֆիզիկական, թե՛ հոգևոր հարթություններում». Դավիթ Բաբայան

ԱՀ նախագահի խորհրդական Դավիթ Բաբայանը գրում է. «Ժողովրդի ինքնության հարցը պետք է դիտարկել թե՛ ֆիզիկական, թե՛ հոգևոր հարթություններում։ Ֆիզիկական հարթությունում կան այնպիսի բաղադրիչներ, ինչպիսիք են մարդաբանական առանձնահատկությունը, բնակության տարածքը, նյութական ժառանգությունը և այլն։ Դա նման է մարդու մարմնին, որը ձևավորում է ինքնության սկզբնական բաղադրիչը: Հոգևոր բաղադրիչը բաղկացած է արժեքներից, ժողովրդին ու երկրին նվիրվածությունից, նրանցով հպարտանալուց և այլն ։
Ինքնության հոգևոր բաղադրիչի թուլացումը կարող է հանգեցնել նրա այլասերման, մի տեսակ «տրանսգենդերային հասարակությունների» ձևավորման, որոնց համար լղոզված են հիմնարար արժեքային բաղադրիչները, իրականության ըմբռնումն ու զգացումը։ Նման հասարակությունների պահվածքը անտրամաբանական է, պարզ չէ, թե ինչ են ուզում, ինչին են ձգտում։ Նման ժողովուրդները գտնվում են այլասերման եզրին, ինչից, բնականաբար, օգտագործում են թշնամիները։ Այսպիսի հասարակությունների համար անխուսափելի են կորուստները, ողբերգությունները, աղետները»: