«Համը չհանես. խելոք նստի, ելույթդ կարդա, գնա». ՔՊ-ական պատգամավորը՝ Էդգար Ղազարյանին

««Միասին» դաշինքը այսօր 16:00-ին ԱԺ մուտքի մոտ հավաք է նախաձեռնել՝ կոչ անելով քաղաքացիներին տեր կանգնել իրենց իրավունքներին ու դատապարտել և հեռացնել հանցավոր ռեժիմը, որի պաշտոնավարման ժամանակ համընդհանուր բնույթ են կրել մարդու իրավունքների խախտումները»,- ԱԺ հանձնաժողովի նիստի իր ելույթում ասաց ՄԻՊ թեկնածու Էդգար Ղազարյանը: ՔՊ-ական Արթուր Հովհաննիսյանն ընդհատեց և մատ թափ տալով հորդորեց որակումներ չանել. «Ի՞նչ ա նշանակում՝ հանցավոր ռեժիմ: Հրապարակներում գոռում ես, հեռու ես, գիտես՝ էտ ա՞... Խելոք նստի, ելույթդ կարդա, կավարտվի, կքվեարկենք, կգնաս: Չհամարձակվե՛ս որակումներ տալ»,- ասաց Հովհաննիսյանը: Հանձնաժողովի նախագահ Թագուհի Թովմասյանը Արթուր Հովհաննիսյանին հորդորեց՝ չսպառնալ. ««Արի, խոսա, գնա»-ն ո՞րն ա, սա ի՞նչ վերաբերմունք ա»: Իրավիճակը կրկին լարվեց: