«Սթրես, դեպրեսիա. ահա այն ամենը, ինչ ստանում ենք սոցցանցերից». Աննա Կոստանյան

ԱԺ նախկին պատգամավոր Աննա Կոստանյանը ֆեյսբուքյան իր էջում գրառում է կատարել՝ կցելով տեսանյութ. «Սոցիալական ցանցերից կախվածությունը համեմատվում է թմրանյութերի կախվածության հետ, թե մեկի, թե մյուսի պարագայում միևնույն սիմպտոմներն ու սինդրոմներն են ի հայտ գալիս։
Տեխնոլոգիական գիգանտներ ստեղծած մեգամոզգերն արդեն ընդունում են, որ իրենց իսկ ստեղծած տեխնոլոգիական լուծումները մարդկանց համար հարմարավետություն ապահովելուն զուգահեռ, մտնելով նրանց գլխի մեջ, բառացիորեն սկսում են կառավարել ամեն բան՝ սկսած մեր ժամանակից, վերջացրած մեր կենսակերպն ու մարդկային պարզ հարաբերությունները։ Սթրես, դեպրեսիա. ահա այն ամենը, ինչ ստանում ենք սոցիալական ցանցերից, մեկ լայքից կախված մեր տրամադրությունը ենթարկվում է փոփոխությունների, ընդհուպ մինչև ինքնասպանություններ։
Դիտե՛ք այս կարճ դոկումնետալ հոլովակն ու գուցե մի փոքր կարողանաք վերանայել սոցիալական ցանցերի հանդեպ ձեր մոտեցումները»: