«Ինչո՞ւ ականի վրա չեն պայթում. տեղեկատվության արտահոսք է». Գրիգոր Բալասանյան

Ադրբեջանցին կարող է մոլորվել և հայտնվել սահմանակից գյուղում, բայց չի կարող մոլորվել ու հայտնվել Սիսիանի Աշոտավանում, քանի որ այն սահմանից բավական հեռու է, բացի այդ, մոլորված ադրբեջանցին դանակով չէր լինի: Իրատեսական չէ, որ նույն ժամանակահատվածում Բնունիսում ու Աշոտավանում ադրբեջանցիներ են հայտնվել, քանի որ այդ գյուղերն իրարից հեռու են: Այս մասին 24TV-ի հաղորդման ժամանակ ասաց միջազգայնագետ Գրիգոր Բալասանյանը:

Նրա խոսքով, ԵՄ դիտորդները Հայաստանում են, բայց Տեղ գյուղում ադրբեջանցիների առաջխաղացման մասին ոչինչ չեն հայտարարում, այդ դեպքում իրենց այստեղ լինելու իմաստը ո՞րն է: «Եմ դիտորդները եկել են, որ ժողովրդի մոտ բթացնեն ինքնապաշտպանության վտանգը, որ ասեն՝ իրենք իրավիճակին տիրապետում են, ՀԱՊԿ-ին ինչի՞ դիմենք: Եմ դիտորդների ներկայությամբ Երասխում զոհ ունենք, Տեղում ադրբեջանցիների առաջխաղացումներ կան, այսօր ադրբեջանցիների ներթափանցման մասին լսեցինք, այդ դեպքում ի՞նչ են անում նրանք այստեղ:
ՀՀ ԱԳ նախարարն ասում է՝ իրենք իրավունք ունեն չտալ իրենց դաշտային հետազոտությունների արդյունքները, բայց այն երկրում, որտեղ գործունեություն են ծավալում, պարտավոր են ներկայացնել այդ արդյունքները: Մենք միշտ միջազգային կազմակերպությունների նկատմամբ մեծ հավատով ենք եղել, «հալած յուղի» տեղ ընդունում ենք, բայց հարց է առաջանում՝ ինչպես են ադրբեջանցիները Սյունիքի հատվածում առաջ գալիս և ոչ մի ականի վրա չեն պայքում, դա ոչ մեկին չի՞ հուզում: HALO Trust միջազգային կազմակերպությունը Դոնեցկում ու Լուգանսկում էլ է ականազերծում արել և տեղեկատվությունը փոխանցել ուկրաինական կողմին, ավելի քան վստահ եմ, որ տեղեկատվական արտահոսք է եղել»,- ավելացրեց Բալասանյանը:

Մանրամասները՝ տեսանյութում: