«Նիստը համարվում է չկայացած». Լևոն Հովհաննիսյան

«Երևանի ավագանու արտահերթ նիստը, որը գումարվել էր քաղաքապետ ընտրելու հետ կապված, դարձյալ քվորում չի ապահովել, ուստի նիստը համարվում է չկայացած»,- այս մասին հայտարարեց Երևանի քաղաքապետի պաշտոնակատար Լևոն Հովհաննիսյանը:

Հիշեցնենք՝ ավագանու այսօրվա նիստում քաղաքապետի արտահերթ ընտրության հարցն էր:

Հիշեցնենք նաև, որ նախորդ նիստում «Իմ քայլը» խմբակցության անդամ Արմեն Գալջյանը հայտարարել էր, որ խմբակցությունն այս պահի դրությամբ որոշում ունի նոր քաղաքապետ չընտրել՝ հաշվի առնելով, որ ընտրություններին մի քանի ամիս ժամանակահատված է մնացել. «Այս պահի դրությամբ նոր քաղաքապետ չենք ընտրի ու, հետևաբար, նաև ընտրության օրվա նիստին չենք ներկայանա, որովհետև թեկնածու չի լինի, և քննարկելու ու ընտրելու անհրաժեշտություն չի լինի»,- ասել էր նա: