«Պետք է բարձրացնել՝ 1 հետախույզ 10 հայ ռազմագերի փոխանակման պահանջը». Դիլբարյան

Հայոց լեզվի պատմության ամբիոնի դոցենտ Նարինե Դիլբարյանը գրում է. «Այսօր առավոտից Շիրակի մարզում Բավրայից Գյումրի տանող միջպետական ճանապարհին լարված վիճակ է՝ հուսահատ ծնողները, որոնց՝ Խծաբերդում գերեվարված որդիների ճակատագիրը անտերության է մատնված անպետության վիճակում, իրենք էլ՝ արհամարհված, փակել են ճանապարհը։ Քանզի արդեն հայտարարվել է, որ ՀՀ տարածք՝ Սիսիանից հանգիստ Բնունիս համայնք, ապա Աշոտավան ներթափանցել են Ադրբեջանի ԶՈՒ դիվերսանտ-հետախույզներ, որոնցից երկուսին, թե երեքին, տեղեկատվությունը հստակ չէ, հաջողվել է ձերբակալել, ապա միանում եմ այն պահանջին, որ անհապաղ բարձրացվի սույն դիվերսանտներին ՀՀ ռազմագերիների հետ փոխանակելու հարցը։ Ողջամիտ կասկածներ կան, որ նրանց ինչ-որ «բարի կամքի» դրսևորմամբ կարող են հանկարծ հետ վերադարձնել ալիևին։ Պետք է աներկբա պահանջել 1 հետախույզ 10 հայ ռազմագերի փոխանակման պահանջը՝ ներգրավելով միջազգային պատկան բոլոր կառույցների ուժերը»։