«Թող զենք տան, ջոկատներ կազմենք, գյուղը հսկենք». Տեղ գյուղի բնակիչ

Տեղ գյուղի բնակիչներն անհանգիստ են, մտավախություն ունեն, որ կրակոցները գիշերը կկրկնվեն: Հիշեցնենք՝ այսօր ադրբեջանական կողմը օրեր առաջ ապօրինաբար զավթած հայկական տարածքներից հարձակում էր սկսել հայ զինվորականների ուղղությամբ, ունենք զոհեր, վիրավորներ: «Հերոս գյուղ է. հերոս տղերք ունեինք ու հիմա էլ ունենք: Պատրաստ ենք դիմակայել: Եկել են կանգնել են մեր պապական հողերին: Մոտ 62 հա չափ տարածք են վերցրել: Մենք չենք ուզում հանգիստ նստել: Պատրաստ ենք: Կամ մահ, կամ ազատություն: Կամ իրենք պիտի գան մեզ կոխ տան անցնեն, կամ մենք՝ իրենց: Զինվորը պետք է տեսնի, որ թիկունքին մարդ կա: Պետք է գյուղի մեջ ջոկատներ կազմել, որ գյուղի մեջ հսկեն, ինչպես 92 թվին»,- այս մասին «Նյուզ»-ի լրագրողի հետ զրույցում ասաց Տեղ գյուղի բնակիչն, ով 7 երեխաների հայր է: