Արդյո՞ք եվրոպական մոնիթորինգը արձանագրել է երեկվա միջադեպը․ Աղաջանյանը՝ Միրզոյանին

Արդյո՞ք եվրոպական մոնիթորինգն արձանագրել է երեկվա միջադեպը, Ազգային ժողովում նման հարցադրում արեց պատգամավոր Էդուարդ Աղաջանյանը: Ի պատասխան ԱԳ նախարար Արարատ Միրզոյանն ասաց, որ մեր զինծառայողների ուղղությամբ արձակված կրակի վերաբերյալ տեղեկացվել է Եվրոպական միությանը, այսօր ԵՄ մամուլի ծառայությունը հաստատել է, որ հայկական կողմը տեղեկացրել է: «Նրանք նշել են, որ իրենք տեղում չեն եղել այդ պահին, բայց իրենց դիտարկումներն արել են, իրենք իրենց զեկուցման մեխանիզմն ունեն: Իրենք Բրյուսելում ԵՄ արտաքին ծառայությանն են զեկուզում ոչ հրապարակային, մենք առայժմ տեղեկություն չունենք, թե ինչպիսին է այդ զեկույցը»,- ասաց նա: