Երկուշաբթի, 23 փետրվարի, 2026 թ.
|
Ստեփանակերտում`   +3 °C

«Վերջին տեղեկություններով՝ Քյարամյանն այսօր աշխատանքի չի ներկայացել». Աննա Կոստանյան

«Վերջին տեղեկություններով՝ Քյարամյանն այսօր աշխատանքի չի ներկայացել». Աննա Կոստանյան
339
Ուրբաթ, 14 ապրիլի, 2023 թ., 14:36

ԱԺ նախկին պատգամավոր Աննա Կոստանյանը ֆեյսբուքյան իր էջում գրառում է կատարել. «24 ժամը շուտով կլրանա, ինչ որդեկորույս ծնողները ՀՀ քննչական կոմիտեում նստացույց են անում ու պահանջում տեղեկացնել, թե արդյոք Եռաբլուրում ծնողների հանդեպ բիրտ ուժ կիրառած՝ ոստիկանության ծառայողներից որևէ մեկը մեղադրյալի կարգավիճակ ստացել է, թե ոչ։
Վերջին տեղեկություններով քննչական կոմիտեի ղեկավար Արգիշտի Քյարամյանն այսօր աշխատանքի չի ներկայացել, երևի վախեցել է համբերության բաժակը լցված ծնողներից։ Ասեմ նաև, որ ըստ երևույթին ՀՀ քննչական կոմիտեն խուսափում է այս հակազգային իշխանությանը պաշտպանող ոստիկաններին մեղադրյալ հռչակելուց, քանի որ ոստիկանների մոտ հրաման կատարելուց հրաժարվելու համատարած պրակտիկա ձևավորելու նախադեպ կստեղծվի։ Դե օբյեկտիվ վախ է, բա հետո խոստացված «ապագայում» ո՞վ է պաշտպանելու իրենց անվտանգությունն ու իշխանության անընդհատությունը։
Մի խոսքով, ծնողներին աջակցել է պետք»:

Աղբյուրը`   Աննա Կոստանյան