ՀԺ-ն հրապարակել է՝ որքան գումար է ստացել դիզայներ Արամ Նիկոլյանը

Ինչպես հայտնել ենք, երեկ՝ ապրիլի 14-ին, Երևանի Կարեն Դեմիրճյանի անվան մարզահամերգային համալիրում ծանրամարտի Եվրոպայի առաջնության բացման հանդիսավոր արարողության ժամանակ դիզայներ Արամ Նիկոլյանն այրել էր Ադրբեջանի դրոշը։

Ավելի ուշ հայտնի դարձավ, որ նա հեղինակել և կարել է ծանրամարտի Եվրոպայի առաջնության բացման հանդիսավոր արարողությանը ներկա ներկայացուցիչների զգեստները, այդ թվում՝ Ադրբեջանի դրոշովը:

«Հայկական Ժամանակ»-ը գրում է, որ ներկայացուցիչների զգեստները հեղինակելու և կարելու համար Արամ Նիկոլյանը, ըստ պայմանագրի, ստանալու է 18,9 միլիոն դրամ, որից 12,3 միլիոն դրամն արդեն ստացել է։