«Չափազանց կարևոր նրբություն, որի մասին խոսվում է կիսաձայն». վարչապետ

ՀՀ վարչապետ Նիկոլ Փաշինյանն ԱԺ-ում ներկայացնում է «Հայաստանի Հանրապետության կառավարության ծրագրի (2021-2026 թթ.) 2022 թվականի կատարման ընթացքի և արդյունքների մասին» զեկույցը: «Պիտի ընդգծեմ մի չափազանց կարևոր նրբություն, ինչի մասին խոսվել է, խոսվում է տարբեր հարթակներում, բայց՝ հիմնականում կիսաձայն»,- ասել է Փաշինյանը՝ մանրամասնելով. «Մենք ինքնիշխան պետության պատմագրության դպրոց ստեղծելու հարցում մեծ հաջողություններ չունենք ու մեր պատմագիտական բովանդակության մի զգալի հատվածը սահմանափակված է խորհրդային պատմագիտության կաղապարում, որն ինչ-որ առումով համահունչ է հայկական անկախ պետության չգոյությանը և անգամ հակոտնյա է ինքնիշխանության հայեցակարգին: Խոսքը ամենևին էլ պատմական փաստերի սխալ լինելու մասին չէ, այլ փաստերին նայելու դիտանկյունի, դրանցից բխող եզրակացությունների մասին, այդ փաստերը՝ որպես ապագայի կառուցման շինանյութ օգտագործելու ճարտարապետության ոճի և նախընտրության մասին: Մեր մեծագույն մոլորությունն այն է եղել, թե խորհրդահայ պատմագիտության հենասյուների վրա կարող ենք անկախ պետական գիտակցություն ստեղծել»: