«Դասական համարվող սոցիալական ցանցերի դարաշրջանը մոտենում է իր տրամաբանական ավարտին». Վահրամ Մարտիրոսյան

Zangi-ի հիմնադիր Վահրամ Մարտիրոսյանը ֆեյսբուքյան իր էջում գրել է. «Facebook(Meta)-ը որոշել է նորից 10.000 աշխատակիցներ կրճատել։ Արդեն 4-րդ եռամսյակն է ինչ Ցուկենբերգի եկամուտները շարունակաբար նվազում են։ Անկումը կազմել է մոտ 30%։ Metaverse-ի մեծ ձախողումից հետո Facebook-ը հայտնվել է ապագայի տեսլականի ճգնաժամի մեջ՝ չգիտի ինչ անի, համակարգի զարգացման հաջորդ քայլը ո՞րն է։
Հատկապես վերջին տարիներին դասական համարվող սոցիալական ցանցերից շատերը անցում են կատարում մեսենջերային միջավայրի։ ԱՄՆ-ում գաղտնի փաստաթղթերի վերջին աղմկահարույց արտահոսքը վկա՝ այն տեղադրվել էր ոչ թե Facebook-ում կամ Twitter-ում, այլ Discord-ում, որը մեսենջեր է։ Վերջերս ինձ համար հայտնաբերեցի, որ շատ երկրներում ստատուսներ գրելու համար Facebook-ի փոխարեն ավելի շատ Whatsapp են օգտագործում։ Վերջին մեկ տարում Zangi-ի օգտատերերի կողմից մեզ ուղղված ամենաշատ խնդրանքը հենց ստատուս փոստ անելու ֆունկցիայի ավելացման մասին է։
Դասական համարվող սոցիալական ցանցերի դարաշրջանը մոտենում է իր տրամաբանական ավարտին»: