«Չեք տեսնում, որովհետև չեք փոխվում». Փաշինյանը՝ իր հետ վիճող գյուղացուն

«Ջուրը քիչ ա, եկավ հուլիս-օգոստոս, պրոբլեմ ա, պետք ա անցնեք կաթիլայինի»,- Նոր-Կեսարիայում չնախատեսված կանգառի ընթացքում գյուղացիների հետ զրույցում հորդորեց Նիկոլ Փաշինյանը: Նրան հակադարձեցին, որ մեծ տարածքներում դա հնարավոր չի, ծառերը սովոր են շատ ջրի, նա էլ խորհուրդ տվեց ծառերը աստիճանաբար փոխարինել ուրիշ տեսակներով:

«Հողերի մեծ մասը վարձակալությամբ ա, ո՞նց կաթիլային միացնենք: Բացի այդ, հողի հարկերն են ավելացրել»,- հակաճառեցին գյուղացիները: «Հողի հարկը նրա համար ա, որ ճանապարհները լավ լինեն, հոսանքը լավ լինի: Գյուղացին պետք է անցնի ինտենսիվ գյուղատնտեսության որ կարողանա լավ ապրել»: «Չենք տեսնում էդի մենք»,- հակադարձեց զրուցակիցը: «Չեք տեսնում, որովհետև չեք փոխվում»,- պատասխանեց Փաշինյանը: