«Ի՞նչ կարող ենք մենք հակադրել թշնամական այս ծրագրին՝ ՊԱՅՔԱՐ». Իշխան Սաղաթելյան

«Ինչ կարող ենք մենք հակադրել թշնամական այս ծրագրին: Այս հարցին պատասխանում է մեր պատմությունը, պատասխանում են մեր նահատակված հերոսները, պատասխանում են 130 օր շրջափակված մեր հայրենակիցները՝ ՊԱՅՔԱՐ: Մեր ընտրությունը ստրկության կամ արժանապատիվ կյանքի միջև է: Հետևաբար, մենք ընտրություն չունենք, մենք պետք է ընտրենք ինքնապաշտպանության, պայքարի, արժանապատիվ կյանքի ճանապարհը: Մեր ժողովուրդը նույն ժողովուրդն է, որ հաղթեց Սարդարապատում ու կերտեց պետականություն, որ պատժեց ցեղասպանության կամզակերպիչներին: Նույն ժողովուրդն է, որ արցախյան առաջին պատերազմում թշնամուն հաղթեց, ապրիլյան պատերազմում դիմակայեց թշնամուն: Ուրեմն դիմակայելու մեր որոշումը միանգամայն իրատեսական է: Ստում են, դավաճան են բոլոր նրանք, ովքեր պնդում են, թե մենք թշնամում դիմագրավելու ռեսուրս չունենք ու պետք է հանձնվենք»,- հայտարարեց Իշխան Սաղաթելյանը: