«Թուրք-ադրբեջանական տանդեմին հաջողվել է նաև Հայաստանում իշխանություն զավթել». Աննա Մկրտչյան

ԱԺ «Պատիվ ունեմ» խմբակցության պատգամավոր Աննա Մկրտչյանը ջահերով երթի ժամանակ լրագրողի հետ զրույցում նշեց. «Թուրք-ադրբեջանական դրածոներն այստեղ՝ Հայաստանում, ամեն ինչ անում են, որ նաև սիմվոլիկայով ամեն ինչ հայ ժողովրդի համար ավելի ցավոտ լինի: Եթե մինչև 2018 թվականը կարող էինք խոսել այն մասին, որ մենք պայքարում ենք դրսի թշնամիների դեմ՝ մեջք մեջքի տված, հիմա պիտի հասկանանք, որ այդ թուրք-ադրբեջանական տանդեմին հաջողվել է նաև Հայաստանում իշխանություն զավթել: Հիմա մեր թիկունքում դավաճաններ են, ովքեր մեր ինքնապաշտպանության համար որևէ կերպ մեզ չեն օգնելու, չեն նպաստելու, որ մենք կայանանք որպես պետականություն»: Աննա Մկրտչյանը նաև համոզմունք հայտնեց, որ թշնամուն և նրա տեղական դրածոներին չի հաջողվելու կոտրել հայի պայքարող ոգին: