«Ձեր խնդիրը ինչ ա՞, որ վաճառքի մուրաբա ունենաք, ձու ունենաք, թուզ ունենաք». վարչապետը՝ ակնաղբյուրցիներին

«Մենք կփորձենք աջակցենք, որ ստեղ լիքը տուրիստ գա՝ էս Վարդան Մամիկոնյանի ծառի մոտ...էրեխեքին էլ բերեք, լավ տեղ ա, թող հաղորդակցվեն մեր պատմության, ինքնության հետ»,-Ակնաղբյուր բնակավայրում գտնվող Վարդան Մամիկոնյանի կաղնու մոտ՝ դիմելով ՀՀ քաղաքացիներն, ասաց վարչապետ Նիկոլ Փաշինյանը:

«Մենք ձեզանից շա՜տ շնորհակալ ենք»,-, ընդհատելով վարչապետի խոսքը, ասաց տարեց բնակչուհին:

«Մի րոպե սպասեք, սպասեք... բայց ձեր խնդիրը ինչ ա՞, որ պատրաստ լինեք՝ վաճառքի մուրաբա ունենաք, ձու ունենաք, թուզ ունենաք, միրգ..»,- ասաց Փաշինյանը՝ ներկայացնելով, թե ինչ հարմարություններ պետք է ունենա գյուղը, որպես տուրիզմի վայր: