«Իմ կյանքում երբեք այսքան նվաստ քաղաքացի չեմ եղել». Սյուզան Սիմոնյան

Նախկին ՀԽ մամուլի խոսնակ Սյուզան Սիմոնյանը ֆեյսբուքյան իր էջում գրել է. «65 տարվա իմ կյանքում երբեք այսքան նվաստ քաղաքացի չեմ եղել։ Նույնիսկ այն պահին, երբ տեղական ենիչերների մահակի տակ եմ եղել։ Այդ պահին ես ինձ ավելի արժանապատիվ եմ զգացել, ավելի հզոր, նրանցից ավելի ուժեղ ու ավելի հպարտ։ Գիտե՞ք ինչու, որովհետև հաղթած երկրի քաղաքացի էի և ոչ թե մի երկրի, որը երբ ուզում, թշնամին անարգել ասպատակում է, ոչ թե մի երկրի, որը որբի գլուխ էր, որ երբ թշնամին ուզեր, անարգել խուզեր։ Էս ի՞նչ եղավ մեզ հետ, որ հպարտանում ենք այս նվաստ վիճակով, որ հպարտ ենք զգում, երբ տրորվում ենք»։