«Եռակողմ փաստաթղթերը բացարձակապես անվիճելի են». Պեսկով

Պեսկովն այլընտրանք չի տեսնում Ռուսաստանի, Ադրբեջանի և Հայաստանի միջև եռակողմ համաձայնագրերին
Կրեմլը կարծում է, որ Ռուսաստանի, Ադրբեջանի և Հայաստանի միջև եռակողմ համաձայնագրերն անվիճելի են Բաքվի և Երևանի միջև հարաբերությունների կարգավորման համար։

«Երկու երկրների (Հայաստանի և Ադրբեջանի. խմբ.) հետ առկա խնդիրների լուծումը և տարածաշրջանում լարվածության թուլացմանն ուղղված որոշ համատեղ քայլերի հնարավոր զարգացումը, առաջին հերթին, իհարկե, հնարավոր է այն եռակողմ փաստաթղթերի հիման վրա, որոնք ստորագրվել են Ռուսաստանի հետ միասին: Եռակողմ փաստաթղթերը բացարձակապես անվիճելի են»,- երեքշաբթի օրը հայտարարել է ՌԴ նախագահի մամուլի քարտուղար Դմիտրի Պեսկովը՝ մեկնաբանելով Հայաստանի և Ադրբեջանի ԱԳ նախարարներ և մասնավորապես՝ ԱՄՆ պետքարտուղար Էնթոնի Բլինքենի հետ հանդիպումները։

Միաժամանակ, ընդգծել է պետության ղեկավարի մամուլի քարտուղարը, «ցանկացած օգնություն, որը կարող է օգնել այս հիմքի վրա կարգավորմանը, կարելի է ողջունել»։

«Բայց մենք նաև գիտենք, որ կան կարգավորման հիմքերը քայքայող տարբեր փորձեր, որոնք ապագայում կարող են արդյունք չտալ: Հուսանք, որ այս դեպքում խոսքն առաջինի մասին է»,- ասել է Պեսկովը։