Ինչ հետևանքներ կլինեն Թուրքիայի որոշումից հետո. պարզաբանում է մասնագետը

Թուրքիան փակել է իր օդային տարածքը հայկական ավիաընկերությունների ինքնաթիռների համար, որոնք թռչում են երրորդ երկրներ։

«Մենք փակել ենք Հայաստանի օդային տարածքը դեպի երրորդ երկրներ թռիչքների համար: Անհրաժեշտության դեպքում ինքնաթիռներ կթողնենք մեր երկիր, բայց թույլ չենք տա օդանավերի և մասնավոր ինքնաթիռների անցումը մեր տարածքով, քանի դեռ Հայաստանի կողմից Թուրքիայի և Ադրբեջանի դեմ սադրանքները չեն դադարել: Եթե դրանք չդադարեն, մենք այլ միջոցներ կձեռնարկենք»,- ասել էր Չավուշօղլուն:

Առաջին անգամ Հայաստանը նման խնդրի բախվել էր օրեր առաջ, երբ ինքնաթիռը հարկադիր վայրէջք էր կատարել Մոլդովայում: Չնայած այնտեղ մնացած ՀՀ քաղաքացիներին հաջողվել էր անվնաս հասցնել Հայաստան, սակայն փաստացի Թուրքիայի քայլերը շարունակվում են: Երեկ էլ՝ մայիսի 2-ին, թուրքական արգելքի պատճառով արգելվել էր Երևան-Փարիզ-Երևան չվերթի իրականացումը։

ArmLur-ը փորձել է ՀՀ վարչապետի նախկին խորհրդական Հակոբ Ճաղարյանից հասկանալ՝ ինչ հետևանքներ կունենա այդ որոշումը: «Այսպես թե այնպես, հայկական օդանավերը դեպի Եվրոպա չէին թռչում, որովհետև սև ցուցակում են 2020 թվականից: Եթե Թուրքիան երրորդ երկրների օդանավերին արգելի թռիչքները դեպի Հայաստան, դրան անմիջապես կհետևի թուրքական բոլոր ավիաընկերությունների մուտքի արգելումը ցանկացած տարածք»: Ըստ Ճաղարյանի, դա, ինչպես նաև Ստավրոպոլում ռուսական գազատարի, իբրև թե, վերանորոգումը, քաղաքական պատասխանն է այն բանի, որ Հայաստանը կողմ քվեարկեց ՌԴ-ին որպես ագրեսոր ճանաչելու բանաձևին: «Թե չէ՝ Նեմեսիսի արձան, բան... Սա ձևական խաղաքարտ ա, որ օգտագործվում ա՝ որպես տվյալ պահին հարմար առիթ»,- ասաց նա:

Մանրամասները՝ տեսանյութում: