«Ովքեր ցանկանում են ապրել թուրքի դաբրոյով, գնացեք ու Ստամբուլում գլուխներդ կախ «ապրեք»». Վահրամ Մարտիրոսյան

Zangi-ի հիմնադիր Վահրամ Մարտիրոսյանը ֆեյսբուքյան իր էջում գրել է. «Ըստ Փաշինյանի՝ որպեսզի մեզ թույլ տան ունենալ պետություն, ապա մենք պետք է հրաժարվենք Արցախից, Հայ Դատից, և տարածքային պահանջներից։
Անկախությունը, ինքիշխանությունը և ընդհանրապես սեփական պետությունը ինչ որ ուժերի թույլ տալով չի լինում, դա ձեռք է բերվում միայն կամքի և համառ պայքարի արդյունքում։
1918-ին մեզ ոչ ոք անկախության «դաբրո» չէր տվել, մենք այն վաստակեցինք Սարդարապատի, Ապարանի ու Ղարաքիլիսայի դաշտերում։ Սարդարապատից առաջ մեր վիճակը անհամեմատելի է այսօրվա մեր իրավիճակի հետ, բայց այն ժամանակ ունեինք Արամ Մանուկյան, իսկ հիմա Նիկոլ Փաշինյան։
Որ 91-ից մենք անկախացանք և Արցախն էլ Հայաստան դարձրեցինք, դա նրանից չէր որ ինչ-որ մեկը կամ մի քանիսը մեզ «դաբրո» էին տվել։ Այլ նրանից էր, որ փաստացի 1988-ից մինչև 1994-ը մեծ զրկանքների գնով և փոփոխական հաջողություններով համառ պատերազմ ենք մղել ու վերջում հաղթել։ 1994-ին մեր պետական բյուջեն չեր հասնում 400 միլիոն դոլարը, իսկ հիմա այն 6 միլիարդ է։ Մնացած բոլոր հնարավորություններով էլի անհամեմատելի ավելի լավ իրավիճակում ենք քան 94-ին էինք։
Ովքեր ցանկանում են ապրել թուրքի դաբրոյով, ելքը ազատ է, գնացեք ու ասենք Ստամբուլում գլուխներդ կախ «ապրեք»։ Այնտեղ մի հատ Փալյան կա, ձեզ կտեղավորի։
Իսկ մենք՝ Հայերս ունենք և՜ Տնտեսական, և՜ Տեխնոլոգիական, և՜ Ռազմական, և՜ Մարդկային, և՜ Դիվանագիտական անհրաժեշտ ռեսուրսները մեր բնօրաննում մեր կամքը թելադրելու, մեր եղածին տեր կանգնելու, և իրապես ինքնիշխան ու ՍԵՓԱԿԱՆ պետություն ունենալու համար»: