«Ինչո՞ւ է մրցակցային շուկայում ստեղծվել ներկայիս ապրանքային դեֆիցիտը». Հակոբ Բադալյան

Քաղաքական մեկնաբան Հակոբ Բադալյանը ֆեյսբուքյան իր էջում գրում է. «Մրցակցության պաշտպանության հանձնաժողով կոչվող կառույցն օրերս հայտարարել էր, թե ուսումնասիրել է հեղուկ գազի շուկան՝ գնաճի առիթով, ու ազդարարում է, որ շուկան մրցակցային է, դրանից էլ եզրակացնում, որ մրցակցային շուկաներում չեն լինում հակամրցակցային համաձայնություններ:
Սույն հանճարեղ եզրահանգումը մի կողմ, հանձնաժողովը գուցե մի հատ էլ ուսումնասիրի, թե ինչո՞ւ է մրցակցային շուկայում ստեղծվել ներկայիս ապրանքային դեֆիցիտը: Թեև, գուցե, չկա ավելորդ ուսումնասիրության կարիք, այլապես ուսումնասիրության համար ահագին ռեսուրս են դուրս գրելու հարկատուների հաշվին, մինչդեռ վերջում թերևս արվելու է հետևյալ եզրակացությունը՝ «շուկան ուսումնասիրեցինք, այն շարունակում է լինել մրցակցային, իսկ դեֆիցիտի պատճառն էլ այն է, որ շուկայում տնտեսվարողները մրցակցում են ինչպես գազը բերելու, այնպես էլ գազը չբերելու հարցում: Հետևաբար, հեղուկ գազի շուկայում նկատվող դեֆիցիտը շուկայի մրցակցայնության վառ դրսևորում է»: