«Հայաստանը գտնվում է փխրուն վիճակում». Նիկոլ Փաշինյան

Պրահայի Անդրատլանտյան հարաբերությունների կենտրոնում տեղի ունեցած քննարկման ժամանակ ՀՀ վարչապետ Նիկոլ Փաշինյանը նշեց, որ Հայաստանը գտնվում է փխրուն վիճակում։

«Արևմուտքում շատերը կարծում են, որ մենք Ռուսաստանի վստահված երկիր ենք, կառավարություն, իսկ Արևելքում կարծում են, որ մենք արևմտամետ քաղաքականություն ենք վարում։

Մեր հարևանները, գնալով դեպի Արևմուտք, ասում են, որ Հայաստանը Ռուսաստանի մերձավոր դաշնակիցն է, և Հայաստանի դեմ կոչ են անում անել նույնը, ինչ Ռուսաստանի դեմ։ Այնուհետև, նրանք գնում են Մոսկվա և հայտարարում, որ Հայաստանի վարչապետը սերտորեն համագործակցում է ԵՄ-ի հետ և իբր, ուշադրությունը տեղափոխում է Արևելքից դեպի Արևմուտք։ Սա հնարավորություններ է ստեղծում հարևանների կողմից Հայաստանի դեմ ագրեսիվ քաղաքականության համար»,- իրավիճակը ներկայացրեց Փաշինյանը։

Որոշ երկրներ, ըստ նրա, կարծում են, որ այս ագրեսիվ քաղաքականությունը Հայաստանին ավելի խելացի կդարձնի։