«Էլ ի՞նչ պետք է կատարվի, որ ժողովուրդը ոտքի կանգնի». զոհվածի հայր

44-օրյա պատերազմում զոհված Արայիկ Բաղդասարյանն այսօր հուղարկավորվեց «Եռաբլուր»-ում. նախօրեին հայտնի դարձավ, որ նրա ԴՆԹ-ն հաստատվել է: «Շատ ցավալի օր է, եկել ենք որդեկորույս ծնողներով, ամենքս մեր երեխաներին ենք հիշում... Արայիկի մայրը 2 տարի, 7 ամիս մեծ սպասումներով ապրում էր: Թե էդ կինը հոգեկան ինչ ապրումներով է եղել, թե մենք ինչ ձևով ենք գիշերները քնել՝ մեր որդիների ծանր վիճակի ժամանակ, նկարագրելի չէ: Չենք ուզում՝ ոչ մի ծնող այդ ցավը տեսնի, բայց աչքերը բացելու ժամանակն է: Էլ ի՞նչ պետք է կատարվի մեր ազգի հետ, որ ժողովուրդը վերջնականապես ընկալի ու ոտքի կանգնի»,- լրագրողների հետ զրույցում ասել է զոհված զինծառայող Գևորգ Ավդիխանյանի հայրը: