«Մենք անցել ենք քաղաքական պայքարի». զոհվածի հայր

«Մենք կորցրել ենք մեր ամենասրբագույնին ու էսօր հանուն արդարության՝ դուրս ենք եկել պայքարի: Երդվել ենք մեր երեխեքի շիրիմների առաջ, որ պայքարը շարունակական է լինելու»,- «Եռաբլուր»-ում լրագրողների հետ զրույցում ասել է 44-օրյա պատերազմում զոհված զինծառայող Ժորա Սահակյանի հայրը: «Մենք իրավական պայքարից անցել ենք քաղաքական պայքարի: Քաջ գիտակցում ենք, որ այս երկրում իրավական համակարգը չի գործում. ամբողջը կառավարվում է մեկ կոճակից»,- նշել է նա՝ հավելելով, որ «Փաշինյանի վայելքներին քիչ է մնացել»: «Մենք հասնելու ենք մեր նպատակին. մեր երեխեքի արյան պատասխանը պիտի ստանանք»,- ասել է զոհվածի հայրը: