«Ընտրություններին երբևէ ընտրակաշառք բաժանած որևէ կուսակցություն չպետք է մասնակցի». Նորիկ Նորիկյան

«Արդար Հայաստան» կուսակցության նախագահ Նորիկ Նորիկյանը գրում է. «Երևանի ավագանու առաջիկա ընտրություններին երբևէ ընտրակաշառք բաժանած որևէ կուսակցություն չպետք է մասնակցի, առավել ևս՝ իր կոռումպացված ու վարկաբեկված, կասկածելի հեղինակություն ունեցող թեկնածուներով ու թաղային խուժանով։
Ցանկացած այդպիսի դրսևորման դեպքում ինքս այն համարելու եմ քաղաքական պայմանավորվածության արդյունք՝ համոզմունքով, որ գործող իշխանության կողմից հայտնի ընտրակեղծարարների համար ստեղծվել են նպաստավոր պայմաններ բնականոն գործունեության համար․․․
Բավակա՛ն է։ Եկե՛լ է արդար մրցակցության ժամանակը, ու ցանկացած այդպիսի ուժի մասնակցություն պղծելու է ընտրական գործընթացն ամբողջությամբ»: