«Ամեն ինչ արվում է, որ հայ ընտանիքում տղա երեխայի բանակ գնալն ամեն կերպ խոչընդոտվի». Թոխատյան

Դերասան Հրանտ Թոխատյանի խոսքով՝ անկախությունից ի վեր՝ Հայաստանում երկու ինստիտուտ է եղել, որոնք համարվել են կայացած՝ եկեղեցին և բանակը։

«Վերջին տարիներին այս երկու ինստիտուտն էլ ամեն կերպ քարկոծվում են։ Սա արվում է նրա համար, որպեսզի բանակի հեղինակությունը հնարավորինս հավասարեցնեն «պլինտուսի» մակարդակի։ Այդպիսի բան անել չի կարելի: Բանակը մեր այսօրն է, վաղն է, վաղը չէ մյուս օրն է: Ամեն ինչ արվում է, որ հայ ընտանիքում տղա երեխայի բանակ գնալն ամեն կերպ խոչընդոտվի։ Դա նախկինում էլ եղել է, բայց այսօր համատարած երիտասարդները չեն ուզում ծառայել բանակում: Այսպես, եթե շարունակվի, վաղը մյուս օրը չենք ունենալու զորակոչիկ», - ասաց դերասանը։

Հիշեցնենք, որ Հակակոռուպցիոն դատարանում մեկնարկել են ՀՀ պաշտպանության նախկին նախարար Սեյրան Օհանյանի, ՀՀ պաշտպանության նախարարության N զորամասի նախկին հրամանատար Գրիգորի Խաչատուրովի և ևս 11 անձի վերաբերյալ քրեական գործը։