«Իշխանության հրաժարականը բարոյականության հարց է». Բագրատ Սրբազան

Նշվում է, որ Տավուշն է վտանգված, դրա համար էլ մեկուսացրել են գեներալ Գրիգորի Խաչատուրովին, Տավուշի թեմի առաջնորդ Բագրատ Սրբազանի հետ զրույցում նկատեցին լրագրողները: Հոգևորականը նշեց, որ անձնական ջերմ հարաբերություններ ունի գեներալի հետ: «Նրա դեմ գործը ոչ մի հիմք ու հենք չունի, ըստ իրավաբանների: Անգամ եթե հիմք էլ ունենա, ապա ինչո՞ւ են նրան պահում կալանքի տակ: Կալանքն ուղղակի պատժի միջոց է դարձել: Ամեն ինչ պարզ է. այսօր փոխանակ մեզ ամեն ձև ուժեղացնելու, ընդհակառակը, կանգնեցնում են դատարանների առջև՝ պատիվներս գողացված: Բոլոր կողմերից հարձակումների տակ ենք և մենք զբաղված ենք այսպիսի անընդունելի իրավիճակում: Թիրախավորված են եկեղեցին էլ, բանակն էլ: Մեր նպատակը պետք է լինի՝ լուծել այս բոլոր խնդիրները»,- ասաց Բագրատ Սրբազանը: Ըստ նրա՝ իշխանության հրաժարականը բարոյականության հարց է: