«Արցախը պահենք՝ պահենք Հայաստանը». Ն. Հոխիկյանը կոչ արեց վաղը կրկին հավաքվել

Հաջակցություն Արցախի Ազատության հրապարակում ընթացող հանրահավաքի ժամանակ կազմակերպիչները պայմանավորվեցին վաղը նույն ժամին նույն տեղում կրկին հավաքվել. «Խոստացեք, որ վաղը 18:30 մեր ընկերների, ծանոթների, հետևողների հետ կլինենք այստեղ:

Պասիվությունը, տանը նստել ու ողբալը, ծնկներ ծեծելը, որ չենք միավորվում՝ ոչ մի արդյունք չի տա: Թուրքը գալու է մեր գերեզմանները քանդելու քանի դեռ մենք չենք կարողացել ատամ ցույց տալ»,- իր ելույթում ասաց հասարակական գործիչ Նաիրի Հոխիկյանը:

«Առաջիկա մեկ շաբաթում թուրքը նոր սպառնալիքներով է հանդես գալու մեր դեմ, և դա անմիջականորեն կապված է մայիսի 14-ին Թուրքիայում սպասվող ընտրությունների հետ...Ո՛չ մի գերտերություն, ո՛չ Թուրքիան, ո՛չ Ադրբեջանը, չի կարող մեզնից վերցնել Արցախը, եթե մենք կանգուն լինենք»,- եզրափակեց Հոխիկյանը: