«Շուշին կրկին ազատագրվելու է. հայոց քաղաքները մեկ անգամ չէ, որ ազատագրվել են». Մհեր Հակոբյան

Ռազմաքաղաքական հարցերի վերլուծաբան Մհեր Հակոբյանը ֆեյսբուքյան իր էջում գրել է. «Մենք հպարտ էինք մեր Հաղթանակով և այն մեզ համար սովորական էր դարձել: Մենք, սակայն, չնչին բացառությունները հանած, չգնահատեցինք մեր Հաղթանակը, այն չամրապնդեցինք պետական վարչակառավարչական համակարգերով, իսկ ոմանք էլ այդ հաղթանակն սկսեցին շահագործել իրենց նեղ անձնական, շահադիտական նպատակներով:
Եվ մենք կորցրինք մեր Հաղթանակը, մենք կորցրինք մեր հպարտությունը: Մեր Հաղթանակը գողացան…
Շուշին կրկին ազատագրվելու է՝ հայոց քաղաքները մեկ անգամ չէ, որ ազատագրվել են: Եվ հակասական այս օրով ես մեզ բոլորիս ընդամենը ուժ ու իմաստնություն եմ ցանկանում:
Ուժ, որպեսզի պահպանենք մեր հավատը և վերակերտենք մեր հաղթանակը, իմաստնություն, որպեսզի պաշտպանենք, այլևս չկորցնենք մեր նույն այդ հաղթանակը:
Փառք իրական հերոսներին, մենք դեռ հաղթելու ենք»: