«Սոթքի բաց հանքավայրը մեկ ամսվա ընթացքում կավարտի աշխատանքը». փոխնախարար

ՀՀ տարածքային կառավարման և ենթակառուցվածքների նախարարի տեղակալ Հովհաննես Հարությունյանն ԱԺ տնտեսական հարցերի մշտական հանձնաժողովի անդամներին իրազեկել է Սոթքի հանքավայրում տիրող իրավիճակի մասին: Ըստ նրա՝ Սոթքի բաց հանքավայրը մեկ ամսվա ընթացքում կավարտի նախատեսված աշխատանքները: Փակ հանքավայրում ընթանում են շահագործման նախապատրաստական աշխատանքներ: Այս մասին տեղեկանում ենք ԱԺ-ից: