Երեքշաբթի, 21 ապրիլի, 2026 թ.
|
Ստեփանակերտում`   +8 °C

«Ծիրանի գները ցածր են լինելու. Ուզբեկստանն է գրավում աշխարհի շուկան». Հարություն Մնացականյան

«Ծիրանի գները ցածր են լինելու. Ուզբեկստանն է գրավում աշխարհի շուկան». Հարություն Մնացականյան
263
Երկուշաբթի, 15 մայիսի, 2023 թ., 23:48

Գործարար Հարություն Մնացականյանը ֆեյսբուքյան իր էջում գրել է. «Այս տարի ծիրանի գները բավականին ցածր են լինելու, քանի որ արդեն Ուզբեկստանն իր բարձր որակի ծիրանն առաջարկում է տարայավորված, բարձված վիճակում, մեր դրամով հաշված՝ 200 դրամով։
Ուզբեկստանը, կարելի է ասել, իր գյուղմթերքներով գրավում է ամբողջ աշխարհը, օդային բեռնափոխադրումները գները պետությունն այնքան է սուբսիդավորել, որ ներկա պահին մեր կողմից արտահանվող բեռնատարների գնին հավասար գներ են։
Մեր օդային բեռնափոխադրման արժեքները 4 անգամ թանկ են ուզբեկականից։ Գյուղմթերքներն սկսել են բրենդավորել նույնիսկ, հիմա Հարավային Կորեայում և Ճապոնիայում բավականին ճանաչում ունեն ու շատ թանկ են վաճառվում։
Մեզ մնում է էլի Ռուսաստանի հայերով ծիրանի շուրջը շուրջպար բռնենք։ Հետ ենք մնում անդառնալի ձևով։
Քանի տարի Ուզբեկստանի փորձն եմ ուսումնասիրում, որ երբևէ նորմալ մտահոգ կառավարություն լինի, գյուղնախարարություն բացի, այդ փորձը ուղարկեմ իրենց»։