«Դիմադրելու եմ, բա ո՞նց, բա հո չե՞մ ասելու՝ այ թուրք, արի». Տիգրանաշենի բնակիչ

«Էս ճանապարհը չպիտի տան և վերջ, ամեն գնով պետք է պաշտպանել: Եթե տվեցին, դեպի Զանգեզուր գնալը դառնալու է շատ դժվար: Տիգրանաշենն անկլավ չէ, ժամանակին ադրբեջանցի չոբաններն են եկել, հետո տեղ են ուզել, հիմա էլ ոտերի տեղը բռնել ա, ասում են՝ անկլավ է»,- «24Նյուզ»-ի հետ զրույցում ասաց Տիգրանաշենի բնակիչ Շահեն Կարապետյանը:

Հարցին՝ եթե հանկարծ հանգամանքներն այնպես դասավորվեն, որ պիտի անցնի Ադրբեջանին, դիմադրելու ե՞ք, զրուցակիցը պատասխանեց. «Բա ո՞նց, բա հո չե՞մ ասելու՝ այ թուրք, արի: Կյանիքս կեսն այստեղ եմ անցկացրել, թոռներիս այստեղ եմ մեծացրել: Տիգրանաշենը հիանալի տեղ է, էդ սրիկաներն էլ որտեղ մի լավ տեղ են տեսել, եկել են տնավորվել»: