«Այս երկրի մեջքը կոտրում է քաղքենի մասսան». Հայկ Խանումյան

Արցախի տարածքային և ենթակառուցվածքների նախկին նախարար Հայկ Խանումյանի գրառումը. «Այս երկրի մեջքը կոտրում է քաղքենի մասսան։ Դրանք միջակ բժիշկներ են, կիսագրագետ ուսուցիչներ, ծույլ, ոչինչ չնախաձեռնող բյուրոկրատներ։ Նրանք վատ գիտեն մեր պատմությունը, նույնիսկ իրենց կյանքի օրոք տեղի ունեցած իրադարձությունները։ Դասալիք են, փախչելու կողմնակից։ Նրանց նախընտրած քաղաքական գործիչներն անիմաստ խոսքեր շռայլող, ժամերով խոսող ու ոչինչ չասող, այս երկրի համար ոչինչ չարած մարդիկ են։ Այս մասսան «Ֆեյսբուք»-ում նվնվում է տարբեր անարդարությունների դեմ, բայց միշտ կանգնած է այդ անարդարություններն ստեղծած ուժերի կողքին։ Ու այս քաղքենի մասսան, սովորաբար, իրեն վեր է դասում մնացածից՝ շրջանների բնակիչներից, քաղաքի աշխատավոր կամ իրոք մտավորական մարդկանցից, զզվում է «դիկտատորից», բայց պատրաստ է պառկել երկրի տնտեսությունը մեջ֊մեջ արածների, փողով մարդկանց գնողների, հակադիր կարծիքը ամեն գնով ոչնչացողների տակ։ Եթե խոսենք ռեսուրսների ու իշխանության կենտրոնացման միջոցով Արցախի գոյաբանական խնդիրների լուծման մասին՝ իսկույն կսկսի բողոքել դիկտատորական նկրտումների դեմ, կտարարածի հայաստանյան քարոզիչների բարբաջանքները։ Վախկոտ ու նյութապաշտ է քաղքենին»։