«Արցախը քաղաքականություն չէ, հայրենիք է». Հոխիկյան

Լրագրող Նաիրի Հոխիկյանի գրառումը. «Արցախը քաղաքականություն չէ, հայրենիք է, տուն է, ընտանիք է, կյանք է․․․
Քաղաքականությամբ զբաղվելը կուսակցությունների պայքարն է, իշխանության ու ընդդիմության մրցավազքն է, իսկ Արցախը քաղաքականություն չի։ Ու ամենևին կապ չունի՝ դու քաղաքականությամբ հետաքրքրվում ես, թե ոչ։ Արցախը մեր կյանքի անբաժան մասն է, մեր ծնողն է, մեր կյանքն է, մեր վաղվա օրն է, առանց որի մեր ծնողների ապրած կյանքն անիմաստ է դառնում, մեր ծնվելն է անիմաստ դառնում, քանի որ մեր զավակները չեն կարողանա ապրել։
Արցախը պիտի պահենք հայկական՝ անկախ մեր քաղաքական հայացքներից կամ դրանց բացակայությունից»։