«Աշոտ Փաշինյանը ներողություն է խնդրել իր ծնողների արածի համար, ասել, որ նրանք թուրք են». ականատես

Ոստիկանության Շենգավիթի բաժնի մուտքի մոտ հավաքվել են զոհված զինծառայողների ծնողները: Նրանք պահանջում են, որ բերման ենթարկված ծնողներին թույլ տան՝ այցելի փաստաբանը: «Աշոտ Փաշինյանը հանգիստ քայլում էր, հանգիստ նստել ա մեքենան: Ինքը նստել ա Գայանե Հակոբյանի մեքենան, մենք մեր մեքենայով իր հետևից գնացել ենք: Երրորդ մասի Սիթիի խաչմերուկում Աշոտ Փաշինյանն իրեն անսպասելիորեն մեքենայից դուրս ա քցում ու հայտնվում մեր մեքենայի առջև»,- աղմկահարույց միջադեպի մասին պատմել է ականատես ծնողներից մեկը:

Մեկ այլ ականատես էլ պատմեց, որ Աշոտ Փաշինյանը ներողություն է խնդրել. «Ինքը ներողություն ա խնդրել իր ծնողների արածի համար, ասել ա՝ ես չեմ կարող ոչ մի բան նրանց փոխարեն անել, անհարմար եմ զգում: Անգամ ասել ա, որ իր ծնողները թուրք են, իբր ինքը տնից դուրս ա եկել, ծնողների հետ չի ապրում, կապ չունի նրանց հետ»,- պատմեց հավաքված կանանցից մեկը:

Սակայն, ըստ ականատեսի, այս ամենը շոու է, արվել է միտումնավոր, որ ժողովրդին շեղեն Արցախի հանձնումն ստորագրելու գործընթացից:

«Սուտասան, մուտիլովչիկ հերն ա»,- հավելեց մեկ այլ ծնող: