«Կոչ եմ անում մեր զոհված տղերքի ծնողներին՝ գոնե դուք եկեք, կանգնեք մեր կողքին, մնացածը զոմբիացած են». զոհվածի հայր

Զոհված Նորայր Մայիլյանի հայրը զոհված զինծառայողների ու մյուսների ծնողներին կոչ է անում գալ ու իրենց կողքին կանգնել Շենգավիթի քննչական բաժնի բակում: «Խայտառակություն է ուղղակի, անտարբերությամբ չգիտեմ՝ ուր ենք հասել, խոսքեր չկան»,- ասաց նա:

Պատմելով այսօր մեծ աղմուկ հանած միջադեպի մասին՝ նա նշեց, որ Վճռաբեկ դատարանի բակում են եղել, «մեր Գայանեի դատն է եղել, Աշոտ Փաշինյանն էլ ըտեղ հանկարծ հայտնվեց»:

«Մենք մեր ամենաթանկն ենք տվել, ես իմ մինուճարին եմ տվել, հիմա համ անտեր ենք մնացել, համ էլ հալածվում ենք: Կոչ եմ անում բոլոր զոհվածների ծնողներին՝ գոնե դուք, իմ բախտակից ընկերներ, եկեք կանգնեք մեր կողքը: Մնացածը զոմբիացած են, էշացած են, քնած են, աստված իրենց հետ»: