Երկուշաբթի, 23 փետրվարի, 2026 թ.
|
Ստեփանակերտում`   +3 °C

«Հրդեհ է բռկնվել Նուբարաշենի աղբավայրում, օդն աղտոտվում է քաղցկեղածին նյութերով». ահազանգ

«Հրդեհ է բռկնվել Նուբարաշենի աղբավայրում, օդն աղտոտվում է քաղցկեղածին նյութերով». ահազանգ
221
Ուրբաթ, 19 մայիսի, 2023 թ., 00:00

2023թ. մայիսի 18-ին հրդեհ է բռկնվել Երևանի Նուբարաշենի աղբավայրում: Ծուխը տեսանելի է քաղաքի բարձրադիր հատվածներից: Ինչպես «ԷկոԼուր»-ին հայտնեցին Երևանի քաղաքապետարանից և Ներքին գործերի նախարարության փրկարար ծառայությունից՝ տեղում իրականացվում են հրդեհաշիջման աշխատանքներ:
Աղբի այրման հետևանքով մթնոլորտ են արտանետվում առողջության համար վնասակար նյութեր: Աղբի այրման հետևանքով մթնոլորտային օդն աղտոտվում է ածխածնի մոնօքսիդով, ազոտային օքսիդով, դիօքսիններով, ֆուրաններով և քաղցկեղ առաջացնող այլ վտանգավոր նյութերով, որոնց ազդեցության գոտում են հատկապես մոտակա բնակավայրերի բնակիչները: Այրման արդյունքում առաջացած մնացորդային մոխիրն էլ իր հերթին կարող է հանգեցնել հողերի և ջրի աղտոտման:
Նման պայմաններում մարդկանց խորհուրդ չի տրվում գտնվել բաց տարածքում»:

Աղբյուրը`   Լևոն Գալստյան