«Այս գործը քննող դատավորի ուսերին շատ ծանր բեռ կա դրված». Վաչիկ Գրիգորյան

Լրագրող Վաչիկ Գրիգորյանի ֆեյսբուքյան գրառումը. «Որոշ գործիչների արձագանքը շատ ադեկվատ է
Օրինակ Արմեն Աշոտյանը, Հրանտ Թոխատյանը ու ևս մի քանի հոգի, ոչ թե վիճարկում են դեպքի հանգամանքները, այլ ակնկալում են Աշոտից, եթե նույնիսկ իր նկատմամբ ոտնձգություն է եղել, դրսևորել հանդուրժողականություն։ Ասում են՝ հետ վերցրու դիմումդ։ Մի նմանվիր մյուսներին, հասկացիր, թե, ի վերջո, դիմացինդ ով է, հարգիր, աչք փակիր, հասկացիր․․․
Սա շատ ադեկվատ է, խելքին մոտ ու բարոյական, երևում է, որ այս մարդիկ, իսկապես, չեն ուզում հերոսի ծնողին տեսնել ճաղերի ետևում, իսկապես չեն ուզում, բայց իրենց հանրային դեմք հորջորջող բամբասչի կիսագրագետները, որոնք առաջնորդվում են հովանավորչությամբ, անձնական վրեժխնդրությամբ ու իրենց առանց այդ էլ ցեխոտ քիմքով էժան մերկապարանոց ու դիլետանտ հրապարակումներ են անում, դրանք ոնց որ միշտ եղել են, այնպես էլ շարունակում են լինել զզվելի ինձ համար։
Աստված մի արասցե, Հայաստանի ապիկար ու կոռուպմացված իրավապահ համակարգը հիմնավորի, որ զինվորի մայրը մեղավորություն ունի ու նրան կալանավորի։ Սա ծանրագույն մեղքի տակ կթողնի բոլորիս, անկախ ամեն ինչից։ Այս գործը քննող դատավորի ուսերին, եթե նորմալ մարդ է, շատ ծանր բեռ կա դրված, չեմ նախանձում նրան»: