«Արցախում արգելափակված «Ֆեյսբուքն» ու «Ինսթագրամը» արդեն գործում են». Դավիթ Բաբայան

Արցախի նախագահի խորհրդական Դավիթ Բաբայանը «Ֆակտոր»-ի հետ զրույցում տեղեկացրել է, որ «Ֆեյսբուք», «Ինսթագրամ» հավելվածներն այս պահին աշխատում են․ «Չեմ կարող հստակ ասել, թե ինչն է պատճառ հանդիսացել, բայց այս պահին խնդիրը լուծված է, խնդիրը, կարծես թե, տեխնիկական է եղել»,- ասել է Բաբայանը։ Մեդիափորձագետ Արթուր Պապյանը նշել է, որ խափանումը մասնակի է եղել․ «Թեստ ենք արել և պարզել, որ Արցախից կապը դուրս է գալիս Հայաստանով, ինչը նշանակում է՝ արգելափակումը եղել է կամ ՀՀ տարածքում կամ «Ղարաբաղ Տելեկոմ»-ում»։ Հարցին՝ արդյո՞ք խափանումը կարող է Ադրբեջանի կողմից իրականացված լինել, Պապյանը նշել է՝ դա արդեն ենթադրությունների դաշտում է․ «Ադբեջանցիները ժամանակին «Ղարաբաղ Տելեկոմ»-ը կոտրել էին, հետո էլի ներթափանցումներ կատարել, այս դեպքում էլ չի բացառվում, որ ինչ-որ բան սկսել են շահագործել՝ հին կոտրածներից ու փակել են»:

Մանրամասները՝ սկզբնաղբյուրում: