«Օրախնդիր է իշխանությունը վստահել ճանապարհ անցած արհեստավարժներին». Սենոր Հասրաթյան

Արցախի ՊԲ նախկին խոսնակ Սենոր Հասրաթյանը ֆեյսբուքյան իր էջում գրում է․ «Նրանք, ովքեր կարծում են, թե ստեղծված ծանրագույն վիճակից Արցախը հնարավոր է դուրս բերել միայն հայտարարություններով կամ էլ միջազգային հանրության բարի կամքին անսալով, ոչ այլ ինչ է, քան միամիտ լավատեսություն:
Արցախի փրկության ճանապարհն, այսպես շարունակվելու դեպքում, որքան էլ անցանկալի, բայց մեզ տանելու է զինված առճակատման...
Իսկ, որպեսզի այդ ընթացքում եղածը չկորցնենք, այլ արդեն կորցրածը կարողանանք վերականգնել, այլևս օրախնդիր է իշխանությունը վստահել ճանապարհ անցած արհեստավարժներին և մեկընդմիշտ մերժել ճանապարհ փակող արկածախնդիր պատահականություններին...»: