«Հենց Կոռնիձորի հավաքի օրը որոշվեց հրապարակել որոշումը». Աննա Կոստանյան

ԱԺ նախկին պատգամավոր Աննա Կոստանյանը ֆեյսբուքյան իր էջում գրում է. «44-օրյային զոհված զինծառայող Ժորայի մայրը՝ Գայա Հակոբյանը ձերբակալված՝ հացադուլի մեջ սպասելու է մինչև վաղը՝ Կոռնիձորի հանրահավաքի օրը, որ դատարանը խափանման միջոցի վերաբերյալ որոշումը հրապարակի վաղը՝ ժամը՝ 15:00-ին:
Հենց Կոռնիձորի հավաքի օրը որոշվեց հրապարակել որոշումը...
Սպասեցնել՝ հավելյալ տանջելով առանց այն էլ առողջապես թուլացած կնոջը...
Հայաստանում հազարավոր մարդիկ կան չգիտեն ինչ է կատարվում երկրում, քիչ առաջ փակված Արշակունյաց պողոտայում մեքենաների վարորդներն էին զարմացած ու ապշած հարցնում՝ «ով ա ձերբակալվա՞ծ, ինչի ա ձերբակալվա՞ծ»։
Երևանում զուգահեռ մի քանի իրականություններ կան, ու քանի բոլոր այդ իրականությունների զուգահեռնեն ի վերջո չեն հատվել մի կետում, շարունակելու ենք մաշվել ու քիչ-քիչ կորչել»: