Երկուշաբթի, 23 փետրվարի, 2026 թ.
|
Ստեփանակերտում`   +3 °C

«Նիկոլն ասում էր՝ Ալենի թքելն էմոցիայի հետևանք է. բա Գայանեն էմոցիա չունի՞». Արսեն Բաբայան

«Նիկոլն ասում էր՝ Ալենի թքելն էմոցիայի հետևանք է. բա Գայանեն էմոցիա չունի՞». Արսեն Բաբայան
292
Երկուշաբթի, 22 մայիսի, 2023 թ., 02:06

«Հայրենիք» կուսակցության անդամ Արսեն Բաբայանը գրում է. «Նիկոլն «Ազատության» եթերում, իբր չարդարացնելով Ալենին, ասում էր, թե մարդու վրա թքելն էմոցիայի հետևանք էր: Փողոցում նրան դավաճան են ասել, ինքն էլ էմոցիաները չի կարողացել կառավարել, և քանի որ նախ սովորական մարդ է, հետո միայն՝ ԱԺ նախագահ, թքել է այդ մարդու դեմքին:
Իսկ Գայանեն էմոցիաներ չունի՞: Գայանեն, ում որդին քո քաղաքականության հետևանքով զոհվեց, զգացմունքներ, մարդկային հատկանիշներ չունի՞:
Գայանեն իր զավակին է կորցրել: Գայանեն իր ամենան է կորցրել, բա մի հատ քո զավակի երեսին թքելու իրավո՞ւնք էլ չունի:
Գայանեն ու մնացած ծնողներն ի՞նչ անեն, որ դու հազարավոր զորքի հետևում թաքնված ես փողոցից փողոց անցնում, Նիկոլ: Գայանեն ո՞նց քո երեսին թքի ու գուցե մի քիչ թեթևանա:
Բա այդ ծնողներն ինչպե՞ս իրենց էմոցիաներն արտահայտեն, երբ քո զորքը հենց Եռաբլուրում հերոս ծնած ծնողների նկատմամբ անմարդկային վայրագություններ են անում:
Բա հիմա, որ առանց աչքդ թարթելու կալանավորեցիր Գայանեին, բա այդ ծնողներն ինչպե՞ս չուզենան ուղիղ դեմքիդ իրենց էմոցիաները տասնապատիկ անգամ ավելի մեծ ուժով արտահայտել:
Պատերազմի ժամանակ, երբ մեր բանակով ցուցադրաբար հպարտանում էիր, բայց դավադրաբար մահվան տանում, նրանց մեջ էին նաև հենց այդ մարդկանց զավակները:
Այս ծնողները մեր երկրում բացառիկ իրավունք ունեն և երեսներիդ թքելու, և ձեզ բոլորիդ Եռաբլուր տանելու նպատակով «առևանգելու»...
Գայանեն պետք է անմիջապես ազատ արձակվի»:

Աղբյուրը`   Արսեն Բաբայան