«Առավոտյան 9:00-ից միացեք մեզ, Փաշինյանի ասուլիսին մեր հարցերը հղենք». զոհվածի հայր

«Վաղը ժամը 11-ին Կառավարության շենքում տեղի է ունենալու Նիկոլ Փաշինյանի մամլո ասուլիսը: Կցանկանայի, որ այստեղ, հրապարակում, ժողովուրդը շատ լիներ, և մենք այստեղից մեր հարցերն ուղղեինք: Այն հարցերը, որ տալու են լրագրողները, հասկանալի են: Բայց նաև մենք ինքներս հարցեր ունենք, խնդրում ենք լրագրողներին՝ մեր հարցերը ևս ուղղել Նիկոլ Փաշինյանին՝ հերոսածին մորը կալանավորելու անօրինական քայլի վերաբերյալ: Եթե ուզում եք մեզ աջակցել, գիշերը հնարավորին չափ մեզ մենակ մի թողեք: Այսօր 12-ից հետո սպասում ենք, կզրուցենք, մտքեր կփոխանակենք, իսկ վաղը կտեղեկացնենք մեր քայլերի մասին: Վաղն առավոտյան ժամը 9-ին ևս կարևոր է, որ գաք և միասին մեր հարցերը ձևակերպենք ու հղենք վարչապետին»,- այսօր երեկոյան Հանրապետության հրապարակում լրագրողների հետ զրույցում ասաց զոհված զինծառայողի հայրը: