Փաստաբանները վաղը կբողոքարկեն Գայանե Մարտիրոսյանին կալանավորելու որոշումը

44–օրյա պատերազմում զոհված զինծառայող Ժորա Մարտիրոսյանի մայր Գայանե Հակոբյանին կալանավորելու՝ դատարանի որոշումը փաստաբանները վաղը կբողոքարկեն Վերաքննիչ քրեական դատարանում: Այս մասին «Սպուտնիկ Արմենիա»-ին հայտնել է փաստաբան Վահան Հովհաննիսյանը:

«Այժմ մենք աշխատում ենք բողոքի վրա։ Վաղը ժամը 9։00-ին բողոքը մուտք կանենք դատարան»,- ասել է նա:

Նրա խոսքով՝ իրենց համար անհասկանալի էր, քանի որ միջնորդության ընթացքը, քննարկման ընթացքը չէր կարող հանգեցնել նման որոշման կայացման։ Միջնորդության բուն ընթացքը ցույց տվեց, որ կալանքի հիմքերը ամբողջությամբ բացակայում են: