Երկուշաբթի, 23 փետրվարի, 2026 թ.
|
Ստեփանակերտում`   +4 °C

«Փաշինյանը չի վախենում իր վարկանիշի զրոյացումից». Ոսկան Սարգսյան

«Փաշինյանը չի վախենում իր վարկանիշի զրոյացումից». Ոսկան Սարգսյան
232
Երկուշաբթի, 22 մայիսի, 2023 թ., 16:18

Լրագրող Ոսկան Սարգսյանը գրում է. «Նիկոլ Փաշինյանը չի վախենում իր վարկանիշի զրոյացումից
Մամուլի ասուլիսի ժամանակ վարչապետ Նիկոլ Փաշինյանը իրականության հետ կապ չունեցող հայտարարություններ է արել, ասել, որ չկա մի նախադասություն, որում ինքն անկեղծ չի եղել, իբր իր կինը՝ Աննա Հակոբյանը զենքով առաջնագծում է եղել, նաև ասել բաներ, որոնք գրգռում են Հայաստանի հանրությանը, օրինակ, այն, որ 86 հազար 600 քառակուսի կիլոմետրը, որով ինքը ճանաչում է Ադրբեջանի տարածքային ամբողջականությունը, ներառում է նաև Լեռնային Ղարաբաղն ու անկլավները։ Նիկոլ Փաշինյանը չի վախենում այս կերպ իր վարկանիշի կտրուկ անկումից, զրոյացումից, որովհետև գիտի, որ Հայաստանի ընդդիմության հիմնական դերակատարները գործողությունների կամ անգործության հրահանգներ են ստանում Կրեմլից և Արևմուտքից, իսկ Կրեմլում և Արևմուտքում իրեն իշխանությունից հեռացնելու որոշում չկա: Այդ որոշումը չկա, քանի դեռ Նիկոլ Փաշինյանը չի ստորագրել խաղաղության պայմանագիրը։ Այն ստորագրելուց հետո նա դուրս կգրվի քաղաքականությունից․ մավրն իր իր գործն արեց, մավրը պիտի հեռանա։ Նիկոլ Փաշինյանը ուզում էր լինել պատմության մեջ աննախադեպ, այդ պայմանագիրը ստորագրելուց հետո կլինի աննախադեպ, այն էլ ինչպիսի՜ աննախադեպ»:

Աղբյուրը`   Ոսկան Սարգսյան