«Այո, ես և ընտանիքս անցել ենք այդ բարդ ուղով»․ Նիկողոսյան

«Եթե չեմ սխավում, անգամ ձայն չի հանել որևէ մեկը, երբ ձեր լուսանկարն էին տարածում, ընտանեկան լուսանկարն էին տարածում՝ ձեզ ատելության թիրախ դարձնելով: Հիմա ձեր կողքին նստած է՝ իշխանությունների սրտի դատավոր Արմեն Դանիելյանը, դուք կայացրել եք ակտ, որից շատ դժգոհ է եղել էս իշխանությունը: Հիմա այս մրցակցության պայմաններում, ո՞նց եք պատկերացնում ձեր ընտրվելը»,- ԱԺ նիստի ժամանակ՝ դիմելով Վճռաբեկ դատարանի դատավորի թեկնածու Արսեն Նիկողոսյանին, հարցրեց «Հայաստան» խմբակցության պատգամավոր Ագնեսա Խամոյանը:

«Այո, ես անցել եմ բավականին բարդ փորձությունների միջով, և իմ ընտանիքը ևս այդ ամենի միջով անցել է, բայց դատավորը պիտի պատրաստ լինի դժվարությունների, որովհետև որոշում կայացնող է, և այդ որոշումը չպիտի հենված լինի դրամի, կոռուպցիոն ռիսկերի, հարմարավետության, իշխանության կամ ընդդիմության ճաշակով որոշում կայացնելու հետ»,- պատասխանեց Ա. Նիկողոսյանը: