Չորեքշաբթի, 09 սեպտեմբերի, 2026 թ.
|
Ստեփանակերտում`   +11 °C

«Չեչենստանի գյուղերից մեկում տեղի ունեցածը կարող է օրինակ ծառայել շատ քրիստոնյա ձևացողների համար». Հ. Մազմանյան

«Չեչենստանի գյուղերից մեկում տեղի ունեցածը կարող է օրինակ ծառայել շատ քրիստոնյա ձևացողների համար». Հ. Մազմանյան
639
Կիրակի, 28 մայիսի, 2023 թ., 03:12

Օգտատեր Համլետ Մազմանյանը ֆեյսբուքյան իր էջում գրել է. «Սուտ քրիստոնյաներից ավելի քրիստոնյա են։
Երեկ Չեչենստանի գյուղերից մեկում մի դեպք է տեղի ունեցել, որը կարող է օրինակ ծառայել շատ քրիստոնյա ձևացողների համար։
Մի երիտասարդ չեչեն պատահաբար, անզգուշորեն, ավտոյի տակ է գցել Ղուրանի իր ուսուցչի 14-ամյա որդուն։ Պատանի Յահյան մահացել է։
Ղուրանի ուսուցիչը որդու թաղումից առաջ ավտո է ուղարկել իր աշակերտի հետևից և բերել է տվել նրան։ Ու դիմելով իր որդուն սպանածին, հետևյալ խոսքերն է ասել․
-Ես սիրում եմ քեզ և գիտեմ, որ դու սիրում ես ինձ։ Ոչ վաղ անցյալում մենք միասին Ղուրան էինք կարդում։ Ես քո Ուսուցիչն եմ, դու՝ իմ Աշակերտը։ Ես քեզ սիրում եմ Ալլահի սիրով և կսիրեմ մինչև օրերի վերջը։
Ես ներում եմ քեզ։
Թող Ալլահը քեզ համբերություն տա, որ դու այս ամենը տանել կարողանաս։ Արի, քեզ գրկեմ։
Հիրավի ավետարանական այս խոսքերից հետո՝ լեռնական կոպիտ տղամարդկանց բազմությունն սկսել է ոռնալով լաց լինել, իսկ անզգուշաբար իր սիրելի ուսուցչի որդուն սպանած երիտասարդը չի կարողացել նույնիսկ ոտքի վրա մնալ։ Նրան բարձրացրել են և տեղ են տվել առաջին շարքում, որ պատանու դագաղն իր ուսերի վրա տանի մինչև գերեզմանափոս»:

Աղբյուրը`   Համլետ Մազմանյան