«Պետք է ճշտել բոլորի դիրքորոշումը Փաշինյանի հայտարարության մասին». Վահե Սարգսյան

Պատմաբան, խմբագիր Վահե Սարգսյանը ֆեյսբուքյան իր էջում գրել է. «Նիկոլ Փաշինյանի՝ Արցախն Ադրբեջանի կազմում ճանաչելու դավաճանական հայտարարությունը միայն իրենը չէ. պետք է ճշտել բոլորի դիրքորոշումն այդ հայտարարության մասին, լինեն դրանք հասարակական-քաղաքական գործիչներ, արվեստի, գիտության ոլորտի ներկայացուցիչներ և այլք:
Բոլորինը:
Շատերն արտահայտվել են և հստակեցրել՝ դեմ են, դատապարտում են կամ կողմ են և Նիկոլի խունտային հավասար դավաճան:
Պետք է հատկապես ճշտել նրանց դիրքորոշումը, ովքեր չեն խոսել կամ գող կատվի նման չեն պատասխանում լրատվամիջոցներիս զանգերին, կամ էլ կոնկրետ հարցին պատասխանում են՝ «...դե գիտեք, այսօր հանգամանքներն այնպիսին են, որ պետք է հասկանալ, թե տվյալ պարագայում մենք ինչպես ենք դիտարկում այս կամ այն կոնտեքստի բաղադրիչն ամբողջության մեջ կամ դրա ենթաշերտի վեկտորը...» կապիկությամբ:
Պատմությունը, սերունդները պետք է իմանան թե՛ հայրենիքի, արյան գինն իմացող զտարյուն հայերին, թե՛ դասական չաթլախներին»: